ads

ads


Abagabye igitero i Musanze 19 muri bo bamaze kwicwa, naho Abishwe n’abagizi ba nabi bashyinguwe>>>

by MiZERO Honoré 6 October. 2019 @indebakure.com 269 Views


06102019232501musanze_rwanda_kigali_today_2.jpg
ADVERTISEMENT


Abantu 14 ni bo biciwe mu gitero cyagabwe n’abagizi ba nabi cyabereye mu tugari twa Kaguhu mu Murenge wa Kinigi no mu Kagari ka Kabazungu mu Murenge wa Musanze mu ijoro ryo ku wa gatanu tariki ya 4 Ukwakira 2019.

Kwamamaza



Batandatu bashyinguwe mu Murenge wa Musanze abandi bashyingurwa mu Murenge wa Kinigi
Batandatu bashyinguwe mu Murenge wa Musanze abandi bashyingurwa mu Murenge wa Kinigi

Abagizi ba nabi bakoresheje amabuye, amafuni n’izindi ntwaro gakondo babasanze mu ngo zabo abandi babasanga muri centre yitwa mu kajagari.

Abagizi ba nabi 19 ni bo bamaze kwicirwa mu bikorwa byo kubahiga bukware. Ni mu gihe batanu bamaze gufatwa aho bari bihishe mu mashyamba, mu misarani, abandi bihishe mu buvumo. Kugeza ubu icyo gikorwa kikaba gikomeje.

Umuhango wo gushyingura batandatu mu baturage bishwe wabereye mu Kagari ka Kabazungu.

Guverineri Gatabazi yahumurije abo baturage abasaba kuba maso no kugira uruhare mu kwicungira umutekano
Guverineri Gatabazi yahumurije abo baturage abasaba kuba maso no kugira uruhare mu kwicungira umutekano

Guverineri w’Intara y’Amajyaruguru Gatabazi Jean Marie Vianney yitabiriye uwo muhango, ari kumwe na bamwe mu bagize Inteko Ishinga Amategeko umutwe w’Abadepite, n’abakuriye Ingabo na Polisi.

Bose bahurije ku guhumuriza abaturage no gukomeza kwicungira umutekano, babasaba kujya bihutira gutanga amakuru y’abantu bagaragara iwabo batabazi.

Munganyinka Verediyana yiciwe umugabo muri iki gitero, abana be babiri barabakomeretsa
Munganyinka Verediyana yiciwe umugabo muri iki gitero, abana be babiri barabakomeretsa

Ubuhamya bwatanzwe na bamwe mu baburiye ababo muri ubu bwicanyi n’ababurokotse bavuze ko abicanyi babasanze mu ngo zabo abandi babasanga muri centre yitwa mu Kajagari biyambitse imyambaro ya gisirikari babanza gukeka ko ari abashinzwe umutekano, nyamara batungurwa no kubona bari kwica abaturage.

Uretse abo batandatu bashyinguwe mu Kagari ka Kabazungu mu Murenge wa Musanze, abandi bashyinguwe mu Murenge wa Kinigi muri ako karere ka Musanze.

Uyu yabashije kurokoka icyo gitero
Uyu yabashije kurokoka icyo gitero



Polisi y’u Rwanda yatangaje ko inzego z’umutekano zimaze kwica abantu 19 bari mu bagizi ba nabi bagabye igitero ku baturage mu Kinigi mu Karere ka Musanze, mu gihe abaturage bakiguyemo bamaze kuba 14, bavuye ku munani bari bamaze kumenyekana kuri uyu wa Gatandatu.


Inzego z’umutekano zahise zijya gutabara no guhumuriza abaturage n’imiryango y’abagizweho ingaruka n’iki gitero, mu gihe hari hakomeje ibikorwa byo guhiga bukware abagize uruhare muri ubwo bwicanyi.

Mu itangazo ryashyizweho umukono n’Umuvugizi wa Polisi y’u Rwanda, CP John Bosco Kabera, yemeje ko abo bagizi na nabi bakoze ubwicanyi mu bugome bukabije.

Ati "Mu bishwe harimo abasanzwe mu ngo zabo bicishwa ibyuma, abandi bicishwa amabuye. Ibi bigaragaza ubugome bukabije bw’aba bagizi ba nabi."

"Mu gikorwa cyo guhiga aba bagizi ba nabi, inzego z’umutekano zimaze kwica 19, ndetse 5 bafatwa mpiri. Ibikorwa byo gushakisha uwo ari we wese wagize uruhare muri iki gitero birakomeje.

CP Kabera yavuze ko kugeza ubu mu Kinigi umutekano wagarutse, ashimira abaturage n’inzego z’ibanze ku bufatanye bakomeje kugaragaza mu kwicungira umutekano.


ADVERTISEMENT


Avatar

Authors get paid when people like you upvote their post.
If you enjoyed what you read here, create your account today and start earning FREE STEEM!

Facebook Comments


VIDEO




AMAKURU




POLITIKI




UBUZIMA





FACEBOOK

YOUTUBE


Our main page @indebakure.com loves your style! We are looking for ladies just like you to feature this winter in our collection! Check out my link and lets chat about getting you featured

TWITTER

ADS
ads

Kwamamaza




KWAMAMAZA

PHP KIT
WEB DESIGN
UI/UX

Contact

Join Us

Links

×

Tickets

Need help?

CONTACT

Fan? Drop a note!

CYANIKA-BURERA - INDEBAKURE.COM
Phone: +250 788 32 14 84
Email: info@indebakure.com